நல்லூர் நிலம் - மனை வேண்டுதல் பதிகம் - முனைவர் பீ. பெரியசாமி

 

நல்லூர் நிலம் - மனை வேண்டுதல் பதிகம்

(சந்தம்: தனத்தன தனத்தன தனத்தன - தனதான)

 

பாடல் 1: அடியெடுத்து வைத்தல்

கல்லூரும் மனமுடையேன் கதிர்வேலா உனைத்தொழுதேன்

நல்லூரில் அமர்ந்திருக்கும் நாயகனே துணைவருவாய்

புல்லூரும் நிலமதனில் பொலிவான மனையமைய

வில்லூரும் புருவத்தாய் வினையகற்றி அருள்வாயே!

 

பாடல் 2: தடைகள் நீங்க

மண்ணாளும் வரமருளும் மால்மருகா உனைவேண்டேன்

எண்ணாத தடைகளெல்லாம் எரிகனலாய் மடிந்திடவே

கண்ணாரக் காணுமொரு காணிநிலம் எனக்கருளி

பண்ணாரும் நல்லூராய் பாலிப்பாய் குகனேநீ!

 

பாடல் 3: வளம் பெருக

முத்தமிழின் தலைவனே முக்கண்ணன் புதல்வனே

சித்திரத்தேர் வீதிவரும் செவ்வேளே சரணடைந்தேன்

நித்தியமாய் யான்வாழ நிழல்தரும்ஓர் இல்லமதை

அத்தன்நீ நல்லூராய் அடியேற்குத் தருவாயே!

 

பாடல் 4: பாதுகாப்பு வேண்டி

வெற்றிவேல் ஏந்தியவா வினையாவுந் தீர்ப்பவனே

சுற்றத்தார் மகிழ்ந்திருக்கச் சொந்தமொரு வீடருள்வாய்

கற்றவர்சூழ் நல்லூரில் கந்தசுவாமி எனநின்றாய்

பெற்றவன்போல் எனைக்காத்துப் பெருநிலத்தைத் தருவாயே!

 

பாடல் 5: மன அமைதி

ஆறுமுகம் கொண்டவனே அசுரரைக் கொன்றவனே

ஈறுதனில் துணையிருக்கும் இணையடியே தஞ்சமென்றேன்

கூறுபடா நிலமதனில் குடியிருக்கும் வீடொன்று

தேறுதலா நல்லூராய் தேவையெனக் களிப்பாயே!

 

பாடல் 6: செல்வம் நிலைக்க

பன்னிருகை உடையவனே பழநிமலைத் தேவாதி

கன்னியர்கள் இருவருடன் கவின்வடிவாய்க் காட்சிதந்தாய்

பொன்னும்நவ மணிகளுமே பொலிந்துவரும் இல்லமதை

நன்னகராம் நல்லூராய் நல்குவாய் எனக்கேநீ!

 

பாடல் 7: நிம்மதியான வாழ்வு

சேயவனே முருகேசா செந்திலூர் மேயவனே

பேயவாவுக் கொள்ளாமல் பெருவாழ்வைத் தந்திடுவாய்

தாயனைய கருணையினால் தனிமனையும் இல்லமுமே

சேயெனக்கு நல்லூராய் சீக்கிரமே அருள்வாயே!

 

பாடல் 8: வம்சம் தழைக்க

வள்ளியினை மணந்தவனே வான்புகழும் வீராநீ

புள்ளியுடை மயிலேறி புவிவலமே வந்தவனே

அள்ளித்தர உனையன்றி யாருண்டு இச்சகத்தில்

தெள்ளுதமிழ் நல்லூராய் தேவையினை முடிப்பாயே!

 

பாடல் 9: சங்கடம் தீர

இடர்நீக்கும் இறைவாநீ இணையில்லாப் பரஞ்சுடரே

சுடர்வாளும் வேலுமே துணையென்று நம்பிவிட்டேன்

குடிவாழ ஓரிடமும் குலங்காவல் நிலமுமே

தடமின்றி நல்லூராய் தந்திடவா கந்தனேநீ!

 

பாடல் 10: பலன் (திருக்கடைக்காப்பு)

நல்லூர்வாழ் கந்தனைமேல் நற்பயனை வேண்டிநின்று

சொல்லூரும் விருத்தமிவை சோர்வின்றிப் பாடிடவே

வில்லூரும் வேற்படையான் வீடும் நிலமுடனே

பல்லூழி வாழவைப்பான் பன்னிருகை வேலவனே!

 

வழிபாட்டு முறை:

·         தினமும் காலையில் குளித்து முடித்து, முருகப்பெருமான் படத்தின் முன் அமர்ந்து இந்தப் பத்து பாடல்களையும் பாராயணம் செய்யவும்.

·         குறிப்பாகச் செவ்வாய்க்கிழமைகளில் செவ்வரளி மலர் சாற்றி வழிபடவும்.

·         நல்லூர் கந்தசுவாமியின் திருவருளால் நீங்கள் விரும்பிய நிலமும் இல்லமும் விரைவில் அமையட்டும். வெற்றிவேல்! வீரவேல்!