யாசீதிகளின் கடவுளும் முருகனும்

முனைவர் பீ. பெரியசாமி

உதவிப் பேராசிரியர், தமிழ்த்துறை

Dr.MGR. சொக்கலிங்கம் கலைக் கல்லூரி

இரும்பேடு, ஆரணி

முன்னுரை

1920களில் ஈராக்/சிரியாவின் எல்லைப் புறத்தில் சிஞ்சார் மலைகளில் வாழ்பவர்கள் யசீதிகள். பின்பற்றுவோரின் மொத்த எண்ணிக்கை - 1,500,000^1,2,3 பின்பற்றுவோர் கணிசமாக உள்ள இடங்கள்:

· ஈராக் - 850,000⁴

· செருமனி - 200,000^1,5

· சிரியா - 50,000^6,7

· உருசியா - 70,000⁸

· ஆர்மீனியா - 60,000⁹

· சியார்சியா - 20,000 (திபிலீசியில் 18,000)¹⁰

· சுவீடன் - 7,000⁵

· துருக்கி - 500 (ஏதிலிகளைத் தவிர்த்து.)¹¹

· டென்மார்க் - 500¹²

அரபு மொழி மற்றும் குர்தி மொழி (இலத்தீன எழுத்துருக்களில்)

யசீதி (Yazidi, Yezidi, Êzidî, Yazdani, அரபு மொழி: ایزدیان‎ Ayziyan, ஆர்மீனியம்: Եզդիներ Ezdiner, உருசியம்: Езиды Ezidy) என்பவர்கள் குர்தி மொழி பேசுகின்ற ஓர் இனச்சமயக் குழுவினர் ஆவர். இவர்கள் சியா, சூபி இசுலாமியச் சமயங்களின் கூறுகளை உள்ளடக்கிய நாட்டுப்புற மரபுகளுடன் கலந்த சமரச சமயத்தை பின்பற்றுகின்றனர்.¹³ இந்த மரபுகள் கிழக்கத்திய உள்ளுணர்வார்ந்த, கிறித்தவ, மெசபொட்டோமியச் சமயக் கூறுகளையும் தொன்மையான ஞானக் கொள்கை, மானி சமயம் மற்றும் சரத்துஸ்திர சமயக் கொள்கைகளையும் உள்ளடக்கியவை^.14,15,16

யசீதி மதப்பிரிவினர் ஈராக்கில் பாரம்பரியமாக வாழ்ந்துவரும் சிறுபான்மை மதப்பிரிவினர். இம்மதப்பிரிவினர் உலகில் மொத்தம் 7 இலட்சம் பேர் வாழ்கின்றனர். அவர்களில் பெரும்பான்மையினர் வட ஈராக்கின் சிஞ்சார் மலைப்பகுதியிலும் அதைச்சுற்றியுள்ள நகரங்களிலும் வாழ்கின்றனர். இனரீதியாக இவர்கள் குர்துக்கள். இவர்கள் பெரும்பாலும் தொன்மைய அசிரியாவின் பகுதியாகவிருந்த வடக்கு ஈராக்கின் நினேவெ மாநிலத்தில் வாழ்கின்றனர். ஐரோப்பாவிற்கு, குறிப்பாக ஜெர்மனிக்கு இவர்கள் குடி பெயர்ந்ததை அடுத்து ஆர்மீனியா, சியார்சியா மற்றும் சிரியா நாடுகளில் இவர்களது மக்கள்தொகை 1990களிலிருந்து வெகுவாக குறைந்துள்ளது^.17

யாசிதி மக்கள் யார் என்று ஆராய்ச்சி செய்யும் போது, இந்திய தமிழர்களுடன் எனக்கு சில தெளிவற்ற ஒற்றுமைகள் தெரிந்தன. யாசிடிகள் இந்தியாவின் பண்டைய பழங்குடியினர் என்று நான் கிட்டத்தட்ட உறுதியாக நம்புகிறேன். யாசிடிகள் மயில் வடிவ விளக்கை முத்தமிடுகின்றனர். தமிழர்கள் மயில் வடிவ விளக்கு ஏற்றுகிறார்கள்.

தமிழகக் கோயில்களைப் போலவே யாசிதிகளின் கோயில்களும் பிரமிடு வடிவ கோபுரத்தைக் கொண்டுள்ளன.

தமிழ்க் கடவுளான சிவனின் மகனான முருகனின் மயிலைப் போலவே யாசிடிகளின் சின்னம் சிறகு விரித்த மயில். இந்தியாவின் தேசியப் பறவையான மயில், தெற்கு மற்றும் தென்கிழக்கு ஆசியா அல்லது ஆப்பிரிக்காவை பூர்வீகமாகக் கொண்டது என்பது குறிப்பிடத்தக்கது. ஈராக் அல்லது சிரியா பகுதியில் காணப்படவில்லை. அவர்களின் புனிதமான லாலிஷ் கோவிலின் சுவரில் உள்ள யாசிடி சுவரோவியம் சந்தேகத்திற்கு இடமின்றித் தமிழக கட்டடிட கலையாகும். தமிழகத்தின் உடையான சேலையை நீங்கள் பார்க்கலாம்.

லாலிஷில் உள்ள யாசிதி கோவிலின் நுழைவாயிலில் பாம்பு சின்னம் உள்ளது. அரேபியா அல்லது மெசபடோமியாவின் பிற பழங்குடியினரிடையே இதை நீங்கள் காண முடியாது. தமிழர்களைப் பொறுத்தவரை, முருகன் மற்றும் பாம்புகளின் மற்ற அவதாரம் மற்றும் நாக பஞ்சமி போன்ற அனைத்து பாம்பு தொடர்பான பூஜைகளுக்கும் மிக நெருக்கமாக வணங்கப்படுகிறது. யாசிதிகள் முரிட்ஸ், ஷேக்குகள் மற்றும் பீர்ஸ் போன்ற அவர்களது சாதிகளுக்குள் திருமணம் செய்து கொள்கிறார்கள். தமிழர்கள் சாதிக்குள் திருமணம் செய்து கொள்கிறார்கள். யாசிடிகள் கோத்ரா அமைப்பு (ஆராய்ச்சி) போன்றவற்றைக் கொண்டிருக்கலாம். ஆரத்தி தட்டு பற்றிய அடிப்படை புரிதல் உள்ள எந்த ஒரு தமிழர்களும், யாசிதிகளை தங்களுடையவர்களாகவே பார்ப்பார்கள்.

யாசிடிகள் தொடர்ச்சியான மறுபிறப்பு மற்றும் மறுபிறவியில் நம்பிக்கை கொண்டுள்ளனர். அதே தமிழ் புனர் ஜென்ம கருத்து. மத்திய கிழக்கில் மிகவும் அரிதான விஷயம். யாசிதிகள் கூப்பிய கைகளுடன் பிரார்த்தனை செய்கிறார்கள். தமிழர்கள் தங்கள் கடவுள் மற்றும் தெய்வங்களுக்கு மிகவும் ஒத்ததாக பிரார்த்தனை செய்கிறார்கள். தமிழர்களைப் போலவே யாசிடிகளும் சூரிய உதயம் மற்றும் சூரியன் மறையும் போது பிரார்த்தனை செய்கிறார்கள். சூரியனிடம் பிரார்த்தனை செய்யும் போது இருவரும் உதிக்கும் அல்லது மறையும் சூரியனை எதிர்கொள்கின்றனர்.

யாசிதிகள் கோவில் பிரார்த்தனையின் போது பிந்தி அல்லது திலகம் போன்ற ஒரு சின்னத்தைக் கொண்டுள்ளனர், இது தமிழ் நெற்றி பொட்டு வழக்கத்திற்கு மிகவும் ஒத்திருக்கிறது. பெரிய கொண்டாட்டங்களுக்கு, யாசிதிகள் மற்றும் தமிழர்கள் இருவருக்கும் பொதுவான பெண்கள் விளக்கு ஏற்றுகிறார்கள்.

பல ஒற்றுமைகள் தோன்றுகின்றன. திரிசூலம் (சிவனின் திரிசூலம்), வழிபாட்டின் போது பயன்படுத்தப்படும் பாத்திரங்கள் (கலசம்), ஒலி (தோல் மற்றும் சங்கு போன்றவை), சூரிய வழிபாட்டு முறைகள் மற்றும் பல.. அவை பண்டைய தமிழ் நாகரிகத்துடன் ஆழமாக இணைக்கப்பட்டவை என்று நான் நம்புகிறேன்.

தமிழர்கள் மட்டுமே பின்பற்றும் யெசிடிஸ் அவர்களின் இந்திய வம்சாவளியை நிரூபிக்கும் சில சடங்குகள் இங்கே உள்ளன:

1. அவர்கள் வணங்கும் மயில் (மலக் தாயுஸ்) இந்தியாவில் மட்டுமே காணப்படுகிறது, மேலும் இது சமுருகனின் மயில் தேவதை என்று அழைக்கப்படுகிறது. (சிவன் மற்றும் பார்வதியின் மகன்) 2. அவர்கள் இன்றும் சூரிய கடவுளை வணங்குதல்.

3. அவர்கள் சங்கு ஊதுகிறார்கள் மற்றும் தோலாக்களை அடிக்கிறார்கள் (தமிழர்களுக்கு பிரத்தியேகமானவை) 4. அவர்கள் கடுமையான கோத்ர விதிகளைக் கொண்டுள்ளனர், அவை இன்றுவரை 5 வரை பின்பற்றப்படுகின்றன. அவர்கள் தங்கள் நெற்றியில் புனித திலகம் பூசிக்கொள்கிறார்கள். 6. அவர்கள் பல ஆயுதங்களைக் கொண்ட யாசிதி கடவுள்களை வணங்குகிறார்கள், மேலும் பல ஆயுதங்களைக் கொண்ட கடவுள்கள் தமிழ் பாரம்பரியத்தில் மட்டுமே காணப்படுகின்றனர் 7. அவர்கள் நல்ல நாட்களில் தங்கள் வீட்டின் கதவுகளின் குறுக்கே இலைகளின் சரத்தை தொங்கவிடுகிறார்கள். நாம்(தமிழர்கள்) பொங்கல் பண்டிகை மற்றும் விழாக்காலங்களில் செய்கிறோம்.

8. "ஆண்டின் தலைவர்" என்று பொருள்படும் செரே சால் எனப்படும் யெசிடி புத்தாண்டு, சிவப்பு புதன் (தென்னிந்தியர்களும் ஏப்ரலில் புத்தாண்டைக் கொண்டாடுகிறார்கள்) என்று அழைக்கப்படும் ஏப்ரல் மாதத்தின் ஒரு குறிப்பிட்ட புதன்கிழமை அன்று கொண்டாடப்படுகிறது.

9. மறுபிறவியில் யெசிடிகளின் நம்பிக்கை அவர்களின் அசல் தாயகமான இந்தியாவின் எஞ்சியிருக்கும் சின்னங்களில் ஒன்றாகும். ஒரு குறிப்பிட்ட அளவிலான ஆன்மா தூய்மையை (மோட்சத்தின் கருத்து) அடையும் வரை அவர்கள் தொடர்ந்து மறுபிறவி எடுப்பார்கள் என்று Yezidis நம்புகிறார்கள்.

யாசிடிகளின் அறியப்படாத வரலாறு

யாசிடிகள் (Êzidîs) மெசபடோமியாவின் பழமையான சமூகங்களில் ஒன்றாகும், இது கோல்டன் கிரசண்ட் என்றும் அழைக்கப்படுகிறது. யாசிதிகளின் மத நம்பிக்கைகளின்படி, அவர்களின் வரலாறு குறைந்தது 8,000 ஆண்டுகளுக்கு முந்தையது. அவர்களின் மொழி குர்திஷ் மொழியின் அடிப்படையை உருவாக்கியது என்ற கருத்தைப் பல ஆய்வுகள் ஆதரிக்கின்றன. டாக்டர். சாதிக் ஜடா போர்கியின் கூற்றுப்படி: "குர்துகள் தங்கள் மொழியையும் எழுத்துக்களையும் பெற்றனர். அவர்கள் பயன்படுத்திய எழுத்துக்கள் Êzidî குர்திஷ் எழுத்துக்கள்”.

யாசிடி (Êzidî) மொழியில் எழுதப்பட்ட பல வரலாற்றுப் படைப்புகள் மற்றும் கல்வெட்டுகள் உள்ளன. Yazidi (Êzidî) புனித நூல் இந்த மொழியில் எழுதப்பட்டுள்ளது மற்றும் இதற்கான எடுத்துக்காட்டுகள் ஆஸ்திரியாவில் உள்ள ஒரு அருங்காட்சியகத்தில் காட்சிக்கு வைக்கப்பட்டுள்ளன. லாலிஷ் (Laleş) கோயிலின் சுவர்களிலும் மொழிக்கு சொந்தமான கல்வெட்டுகள் காணப்படுகின்றன. அகதா கிறிஸ்டி இந்தக் கோவிலுக்குச் சென்றதைப் பற்றி பின்வரும் வரிகளை எழுதினார்: “லாலேஸின் நுழைவாயிலில் ஒரு கல்லும் அந்த சிலையின் வலது தோளில் ஒரு பாம்பு சிலையும் உள்ளது. லாலிஷ் நுழைவாயிலில் வாசலில் யாசிதி மொழியில் எழுத்துக்கள் உள்ளன. இருப்பினும், இந்த எழுத்துக்கள் படிக்க முடியாததாகிவிட்டன.

யாசிதிசத்தின் (Êzidîsm) புனித இடம் ஈராக்கிய குர்திஸ்தானில் உள்ள லாலிஷ் (Laleş). Şêx ஆதியின் கல்லறை அமைந்துள்ள லாலிஷ், உலகில் உள்ள அனைத்து யாசிடிகளுக்கும் ஆன்மீக மையமாக உள்ளது. ஒவ்வொரு ஆண்டும் அக்டோபர் 6 ஆம் தேதி, யாசிதிகள் (Êzidîs) அங்கு சென்று 7 நாள் புனித யாத்திரை செய்கிறார்கள். இந்த வழிபாட்டின் போது, அவர்கள் வெள்ளை ஸ்பிரிங் தண்ணீரால் கழுவி, கடவுளுக்கு ஒரு மிருகத்தைப் பலியிடுகிறார்கள். பலியிடும் வழக்கம் தமிழரிடையேயும் இருப்பது இங்கு நினைவுக்கூறத்தக்கது.

லாலிஷ் அனைத்து குர்துகளுக்கும், குறிப்பாக யாசிடிகளுக்கு (Êzidîs) மிக முக்கியமான புனித இடங்களில் ஒன்றாகும். இது ஈராக் குர்திஸ்தானின் ஷிக்சன் பகுதியில் அமைந்துள்ளது மற்றும் மலைகளால் சூழப்பட்டுள்ளது - தெற்கில் மெஷி மலை, வடக்கே அர்வாட் மலை மற்றும் மேற்கில் ஹெஸ்ர்டி மலை. லாலிஷின் பெயர் "லேக்ஸ் எ குடி" என்பதிலிருந்து பெறப்பட்டது என்று நம்பப்படுகிறது. இதன் பொருள் "ஒளி, வாழ்க்கை". இந்த இடம் சுமேரியர்களின் பழமையான குடியிருப்புகளில் ஒன்றாக அறியப்படுகிறது. யாசிதி நம்பிக்கைகள் எழுதப்படாதவை மற்றும் வாய்மொழியாக மட்டுமே தெரிவிக்கப்படுவதால், அவர்களின் நம்பிக்கை முறை பற்றி நிறைய தவறான தகவல்கள் முன்வைக்கப்படுகின்றன. அவர்களின் நம்பிக்கைகள் தொடர்பான பிரச்சாரத்தின் காரணமாக, யாசிடி (Êzidî) சமூகம் வரலாறு முழுவதும் மோசமான நடத்தைக்கு உள்ளாகியுள்ளது.

சமய நம்பிக்கைகள்

யசீதிகள் உலகைப் படைத்தவர் கடவுள் என நம்புகின்றனர். தாம் படைத்த உலகைக் காக்கும் பொருட்டு ஏழு "புனித வாசிகள்" அல்லது தேவதூதர்களை உருவாக்கினார்; இவர்களது "தலைவராக" மெலக் டாசு என்ற "மயில் தேவதையை" ஏற்படுத்தினார். இந்த மயில் தேவதையே ஒருவருக்கு ஏற்படும் இன்ப துன்பங்களுக்குக் காரணமாவார். இந்தப் புராணக் கதாபாத்திரம் ஒரு கட்டத்தில் கடவுளையே எதிர்த்து கடவுளின் அருளிலிருந்து விலகி பின்னர் கண்ணீர் விட்டு மன்னிப்புக் கேட்டு நரகத்தின் சிறைகளிலிருந்து மீண்டு கடவுளுடன் இணைந்தார். இக்கதை ஒரே கடவுளை ஏற்றுக்கொள்ள மறுத்து கடவுளின் கட்டளையை மீறி ஆதாம், ஏவாளை வழிபட்ட சூபி நம்பிக்கைகளின் இப்லிசுடன் தொடர்புடையது.¹⁸ சூபிய இப்லிசுடனான இத்தொடர்பால் மற்ற ஒரே கடவுள் சமயங்கள் மயில் தேவதையை தங்கள் சமய சாத்தானுடன் அடையாளப்படுத்தி^14,19 யசீதிகளை "சாத்தானை வழிபடுவோர்" என பல நூற்றாண்டுகளாக ஒடுக்கி வருகின்றனர். இத்தகைய ஒடுக்குதல் தற்கால ஈராக் எல்லையில் முன்னர் சதாம் உசேனாலும் பின்னர் அடிப்படைவாத சுன்னி இசுலாம் புரட்சியாளர்களாலும் இன்னமும் தொடர்கின்றது.²⁰

இவர்கள் மாலிக் டவ்வூஸ் என்ற மயில் தேவதையை வழிபடுவதால் மற்ற மதத்தினர் சகித்துக் கொள்ள மறுக்கின்றனர். மயில் தேவதையைக் குத்துவிளக்கில் பொறித்து வைத்துக்கொள்வது இவர்களது வழக்கம். மொத்தம் ஏழு தேவதைகள் என்றும் அதில் தலையாயது இந்த மாலிக் டவ்வுஸ் என்றும் பிற தேவதைகள் அனைத்தும் அதற்கும் கீழே என்பது அவர்களின் நம்பிக்கை. கிருத்தவர்களுக்கு இருப்பதைப் போல ஞானஸ்தானம் உண்டு. இஸ்லாமியர்களைப் போலவும் யூதர்களைப் போலவும் விருத்தசேதனம் உண்டு. ஜெராஸ்டிரியர்களைப் போல தீ வழிபாடும் உண்டு. ஆனால் இவர்கள் ஆபிரகாமை ஏற்றுக் கொள்ளாதவர்கள். 11 ஆம் நூற்றாண்டில் உமையத் ஷேக் என்பவர்தான் இம்மதத்தை உருவாக்கினார், அல்லது நிறுவனமயமாக்கினார். இந்த மதம் யூத மதம், இஸ்லாமிய மதம், கிருத்தவ மதம், ஜெராஸ்டிர மதம் ஆகியவற்றிலிருந்து ஒவ்வொரு அம்சத்தையும் எடுத்துக் கொண்டுள்ளது.

ஆகத்து 2014இல் ஈராக்கையும் அண்டைய நாடுகளையும் இசுலாமியமில்லா தாக்கங்களிலிருந்து "தூய்மைப்படுத்துமுகமாக" யசீதிகளை இராக்கிலும் சாமிலும் இஸ்லாமிய அரசு இயக்கத்தினர் குறிவைத்துத் தாக்கி வருகின்றனர்^21.

ஆபிரகாமிய சமய விமர்சனங்கள்

சாத்தானைக் கடவுள் சபித்து, சொர்க்கத்திலிருந்து விரட்டியதாக தொன்மக் கதைகள் இஸ்லாம், கிருத்துவம், போன்ற மதங்களில் உண்டு. யசீதி மத நம்பிக்கையின் படி, கடவுள் பூமியைப் படைத்தார். அதன் பிறகு, பூமியைப் பாதுகாப்பதற்காக, கடவுளின் தெய்வீக ஒளியில் இருந்து ஏழு தெய்வங்கள் அவதரித்தனர். ஏழு பேரில் ஒருவரான மாலிக் டவ்வுஸ் என்ற மயில், தலைமைப் பொறுப்பிற்கு நியமிக்கப் பட்டது. பின்னர் கடவுள் முதல் மனிதனான ஆதாமை படைத்த நேரம், எல்லாத் தெய்வங்களும் அந்த மனிதனை வணங்க வேண்டும் என்று உத்தரவிட்டாராம். தவசி மாலிக் மட்டும் அந்த உத்தரவுக்கு அடி பணிய மறுத்து விட்டது. “தங்களின் ஒளியில் இருந்து பிறந்த நான், எவ்வாறு தங்களின் துகள்களில் இருந்து பிறந்த மனிதனை வணங்க முடியும்?” என்று கேட்டது. அதனால் தவசி மாலிக் கடவுளின் கருணையை இழந்து விட்டது. ஆயினும் நடந்ததற்காக வருந்தியதால், பூமியில் கடவுளின் பிரதிநிதியாக நியமிக்கப் பட்டது. அதனால் யசீதிகள் கடவுளால் மன்னிக்கப்பட்டதுதான் தங்களது தேவதை மாலிக் டவ்வுஸ் என நம்புகின்றனர். இதனாலேயே இவர்கள் சாத்தானை வணங்குபவர்கள் என்று இவர்கள்மீது மற்றவர்கள்முத்திரை குத்திவிட்டார்கள்.

தீபாராதனை.. எண்ணை விளக்கு: தமிழர்களைப்போல வழிபடும் ஈராக் யாசிதி மக்கள்

மயில், வேல், பாம்பு ஆகியவற்றை வழிபடுவது, தீபாரதனை செய்வது, எண்ணெய் விளக்கு ஏற்றுவது என்று தமிழ் மக்களைப்போலவே ஈராக் யாசிதி இன மக்களின் வழிபாட்டு முறையும் இருக்கிறது. சிந்து சமவெளி நாகரிகம் ஆதித் தமிழர் நாகரிகம்தான் என்றும் இந்திய துணைக் கண்டனத்துக்கு அப்பாலும் ஆதித் தமிழர் வாழ்ந்தனர் என்றும் ஒரு கருத்து உண்டு. இதை உறுதிப்படுத்தும் வகையில் சில சான்றுகள் உள்ளன.ஈரானில் பிராகுய் எனும் திராவிட மொழி பேசப்பட்டு வருவது ஒரு உதாரணமாகும். அதே போல இன்னொரு உதாரணம், ஈராக் நாட்டில் வசிக்கும் யாசிதி இன மக்கள். இந்த இன மக்கள், தங்களை இந்திய துணைக் கண்டத்துடன் தொடர்புடையவர்களாக கருதுகின்றனர். இவர்களது வழிபாட்டு முறை இஸ்லாமிய , கிறிஸ்துவ வழிபாட்டு முறை போன்று இல்லாமல், தமிழர்களின் வழிபாட்டு முறை போலவே உள்ளது.

மயிலும் பாம்பும் யாசிதிகளின் வழிபாட்டு குறியீடுகளாக உள்ளன. இவர்களது வழிபாட்டு தலங்கள் தமிழகத்தில் உள்ளது போல கோபுர வடிவில் இருக்கின்றன. மேலும் தமிழர்களைப் போலவே எண்ணெய் விளக்கு ஏற்றி, தீபாரதனை காட்டி வழிபாடு நடத்துகின்றனர். அதே போல மலைகளில் தங்கள் வழிபாட்டுத்தலங்களை கட்டியிருக்கிறார்கள்.

யாசீதிகளின் கடவுளும் முருகனும்

யாசிதி இனமக்களுக்கு மறு பிறப்புக் கொள்கையில் நம்பிக்கை உண்டு: உலகில் மறு பிறப்பை நம்புவோர் இந்துக்களும் அதன் கிளை மதங்களான புத்த, சமண, சீக்கிய மதங்களும் தான். செமிட்டிக் மதங்களான கிறிஸ்தவ, யூத, இஸ்லாமிய மதங்களுக்கு மறுபிறப்பில் நம்பிக்கை இல்லை. இவர்கள் வணங்கும் முக்கியக் கடவுள் மாலக தாவூஸ். இவர் மயில் தேவதை என்று யாசிதிக்கள் கூறுவர்: உலகில் மயில்வாகனக் கடவுளான முருகனை வணங்குவோர் இந்துக்கள் மட்டுமே என்பதைச் சொல்ல வேண்டியதில்லை. மாலக தாவூஸ் என்பதை நான் பால தேவன் என்றே படிப்பேன். ப— வ — ம—என்ற மூன்று எழுத்துக்களும் இடம் மாறும் என்பது மொழி நூலார் அறிந்த உண்மை. அவர்களுக்கு மயில் புனிதச் சின்னம். இந்தியாவின் தேசியப் பறவையான மயில் சிந்து சமவெளிப் பானை ஓடுகளில் கண்டுபிடிக்கப்பட்டதோடு இந்தியாவில் இருந்து ஏற்றுமதி செய்யப்பட்டதைப் பைபிளும் கூடப் பகர்கிறது. இவர்கள் வீடுகளில் விளக்கு ஏற்றி புனிதர்களை வணங்குகின்றனர்.

இறைவன் உலகை காப்பாற்ற ஏழு தேவதைகளை அனுப்பினார். அவற்றில் தவசி மாலிக் எனும் மயில் கடவுளை தலைமை தேவதையாக நியமித்தார். மயில் கடவுள் தன்னை
படைத்த இறைவனையே எதிர்த்து கோபித்துக்கொண்டு சென்றார். பின்னர் மீண்டும்
கடவுளுடன் இணைந்தார் என்று யாசீதிகள் நம்புகின்றனர். (இதே நம்பிக்கை தமிழ்நாட்டிலும் உள்ளது. ஏழுகன்னிகள் எனும் வழிபாடும், முருகனின் தோற்றத்துடன் ஆறு கார்த்திகை பெண்களும் பேசப்படுகின்றனர்.
சிவனிடம் கோபம் கொண்டு முருகனும் தனியே சென்றார்). "யாசீதிகளின் லாலிஷ் மலைக் கோவில்"
முருக வழிபாட்டில் உள்ள பாம்பு, சேவல் உள்ளிட்டவற்றை யாசீதிகளும் வணங்குகின்றனர். அவர்களின் முதன்மை வழிபாட்டு அடையாளமாக இருப்பது, மயிலுடன் கூடிய குத்துவிளக்கு ஆகும். அவர்களின் முதன்மையான ஆலயமான லாலிஷ் கோவிலில் தமிழகத்தின் குத்துவிளக்குதான் முதன்மையாக உள்ளது. முருகன் கோவில்கள் மலைகளில் இருப்பது போல, யாசீதிகளின் இக்கோவிலும் மலைமேல் உள்ளது. இக்கோவில் 4000 ஆண்டுகளாக இருப்பதாக ஆய்வாளர்கள் கூறுகின்றனர். முருக வழிபாட்டில் 'ஓம் சரவண பவ' என்பதாகப் பயன்படுத்தப்படும் அறு கோணச் சக்கரம் இந்த லாலிஷ் கோவிலிலும் செதுக்கப்பட்டுள்ளது. தமிழ்நாட்டை போன்றே தீப வழிபாட்டிலும் யாசீதிகள் ஈடுபடுகின்றனர். கோவிலில் திருநீறு பூசுவது போன்றே ஆசீர்வாதம் அளிக்கப்படுகிறது. அவர்களின் புத்தாண்டு தினம் தமிழ்நாட்டின் சித்திரை முதல்நாளுக்கு பிறகு வரும் புதன்கிழமை ஆகும். முஸ்லிம்கள் யாசீதிகளின் மயில் கடவுளை 'அல் கதிர்' என்று குறிப்பிடுகின்றனர். யாசீதிகளின் கோவிலில் உள்ள சமாதியில் இருக்கும்
அவர்களின் மதத்தலைவரின் பெயர் ஷேக் ஆதி (ஆதி தலைவன்) ஆகும். (யாசீதிகள் மயில் கடவுளை வழங்கினாலும் வளைகுடா நாடுகளில் மயில் இல்லை. மயில் இந்தியாவின், தமிழ்நாட்டின் பறவை).

"யாசீதிகளின் சாதியும் அகமண முறையும்" யாசீதிகள் நான்கு சாதிகளாகப் பிரிந்துள்ளனர். நான்கு சாதிகளில்
மதத்தலைவருக்கான சாதியில் இருந்து மட்டுமே யாசீதி மதத்தலைவர் வரமுடியும்.
நான்கு சாதிகளும் அவரவர் சாதியில்தான் திருமணம் செய்ய முடியும். ஆனாலும்,
சாதிகளுக்கு இடையே யாசீதிகளுக்கு இடையே ஏற்றத்தாழ்வோ, ஒதுக்குதலோ இல்லை. மாற்று மதங்களை இவர்கள் வெறுப்பதும் இல்லை. கடுமையான மதவெறி தக்குதல்களுக்கு தொடர்ந்து ஆளாக்கப்பட்டாலும், தங்களின்
மயில் கடவுள் நம்பிக்கையை யாசீதிகள் கைவிட மறுக்கின்றனர்.

இனப்படுகொலைகள்

18, 19ஆம் நூற்றாண்டுகளில் ஆட்டோமன் பேரரசின் போது யசீதிகளுக்கு எதிராக 72 முறை படுகொலைகள் நிகழ்த்தப்பட்டன. 2007இல் கூட அவர்கள் அதிகம் புழங்கும் பகுதிகளில் கார்களில் குண்டுவைத்து 800க்கும் மேற்பட்ட யசீதுகள் கொல்லப்பட்டனர். தற்போது ஐ. எஸ். இயக்கத்தினரால் இவர்களுக்கு அச்சுறுத்தல் ஏற்பட்டுள்ளது 500க்கும் மேற்பட்டோர் கொல்லப்பட்டுள்ளனர். தப்பியோடியவர்கள் தவிர சுமார் ஐம்பதாயிரம் பேர் வரை ஐ. எஸ். அமைப்பினரால் கொல்வதற்காக சுற்றி வளைக்கப்பட்டுள்ளதாக ஐ.நா தெரிவித்துள்ளது.

எதிர்காலம்

மற்றவர்களால் கடுமையாக ஒடுக்கப்பட்டு படுகொலை செய்யப்பட்டாலும்கூட இந்த மக்கள் தங்கள் மதநம்பிக்கையை விட மறுக்கின்றனர். வேறு மதத்திற்கு மாறவும் மறுக்கின்றனர். இவர்கள் மதத்திற்கு மற்றவர்கள் மதம் மாறுவதையும் விரும்புவதில்லை, ஆதரிப்பதுமில்லை. இந்த இனத்தவர்கள் பிறருடன் திருமண உறவும் கொள்வதில்லை. எனவே இவர்கள் அழிக்கப்பட்டால் இந்த இனம் கிளைப்பதற்கோ வளர்வதற்கோ வாய்பே இல்லை.^22, இம் மக்களுக்கும் தமிழர்களுக்கும் உள்ள உறவு குறித்து ஆய்வு நடத்துவது அவசியம் என்கின்றனர் வரலாற்று ஆய்வாளர்கள்.

மேற் சான்றுகள்

1. Allison, Christine (2004-02-20). "Yazidis i: General". Encyclopædia Iranica. August 20, 2010 அன்று பார்க்கப்பட்டது. There are probably some 200,000–300,000 Yazidis worldwide.

2. "Yezidi". Adherents.com. 2019-01-07 அன்று மூலம் பரணிடப்பட்டது. 2008-03-31 அன்று பார்க்கப்பட்டது. Cites estimates between 100,000 and 700,000.

3. "Deadly Iraq sect attacks kill 200". BBC News. 2007-08-15. பார்த்த நாள்: 2008-03-31.

4. Iraq Yezidis: A Religious and Ethnic Minority Group Faces Repression and Assimilation By Christian Peacemaker Teams in Iraq (25 September 2005)

5. Megalommatis, Muhammad Shamsaddin (February 28, 2010). "Dispersion of the Yazidi Nation in Syria, Turkey, Armenia, Georgia and Europe: Call for UN Action". American Chronicle. Archived from the original on டிசம்பர் 16, 2012. பார்த்த நாள்: August 20, 2010.

6. "Yazidi in Syria Between acceptance and marginalization" (PDF). KurdWatch. kurdwatch.org. p. 4. 13 March 2019 அன்று மூலம் (PDF) பரணிடப்பட்டது. 1 April 2014 அன்று பார்க்கப்பட்டது.

7. Andrea Glioti (18 October 2013). "Yazidis Benefit From Kurdish Gains in Northeast Syria". al-monitor. பார்த்த நாள்: 1 April 2014.

8. "Всероссийская перепись населения 2010 г. Национальный состав населения Российской Федерации". Demoscope. Demoscope. 26 October 2013 அன்று பார்க்கப்பட்டது.

9. 2011 Armenian census

10. http://upload.wikimedia.org/wikipedia/commons/9/92/Georgia_Census_2002-_Ethnic_group_by_major_administrative-territorial_units.pdf

11. http://www.hurriyet.com.tr/pazar/6891240.asp

12. "Irakisk politiker: Vi har kun få dage til at forhindre massedød på bjerg" (in Danish). Politiken. பார்த்த நாள்: 9 August 2014.

13. Asatrian, Garnik S.; Arakelova, Victoria. The Religion of the Peacock Angel. Acumen. பன்னாட்டுத் தரப்புத்தக எண்:978-1-84465-761-2.

14. "Background: the Yezidi". தி கார்டியன். 2007-08-15. 2014-08-09 அன்று பார்க்கப்பட்டது. Unknown parameter |month= ignored (|date= suggested) (உதவி)

15. "Who, What, Why: Who are the Yazidis?". BBC World News. 2014-08-08 அன்று பார்க்கப்பட்டது.

16. Palmer, Michael D.; Burgess, Stanley M. (2012-03-12). The Wiley-Blackwell Companion to Religion and Social Justice. John Wiley & Sons. பக். 405. பன்னாட்டுத் தரப்புத்தக எண்:978-1-4443-5536-9. பார்த்த நாள்: 25 February 2014.

17. Reeves, Bob (2007-02-28). "Lincoln Iraqis call for protection from terrorism". Lincoln Journal Star. பார்த்த நாள்: 2007-02-28.

18. Asatrian and Arakelova 2014, 26-29

19. "காப்பகப்படுத்தப்பட்ட நகல்". 2014-08-12 அன்று மூலம் பரணிடப்பட்டது. 2014-08-13 அன்று பார்க்கப்பட்டது.

20. The Devil worshippers, of Iraq. "The Devil worshippers of Iraq". The Telegraph. 7 July 2014 அன்று பார்க்கப்பட்டது.

21. "Who Are the Yazidi, and Why Is ISIS Targeting Them?".

22. தி இந்து தமிழ்-யஜீதுகளை வேட்டையாடும் ஐ.எஸ்.கட்டுரை 10. அக்டோபர் 2014

பார்வை

1. https://ta.wikipedia.org/wiki/%E0%AE%AF%E0%AE%9A%E0%AF%80%E0%AE%A4%E0%AE%BF_%E0%AE%AE%E0%AE%95%E0%AF%8D%E0%AE%95%E0%AE%B3%E0%AF%8D

2. https://patrikai.com/iraq-yasidhi-tribe-is-worshipping-like-tamils/

3. https://tamilandvedas.com/2014/08/14/%E0%AE%87%E0%AE%B0%E0%AE%BE%E0%AE%95%E0%AF%8D-%E0%AE%A8%E0%AE%BE%E0%AE%9F%E0%AF%8D%E0%AE%9F%E0%AE%BF%E0%AE%B2%E0%AF%8D-%E0%AE%87%E0%AE%A8%E0%AF%8D%E0%AE%A4%E0%AF%81%E0%AE%AE%E0%AE%A4%E0%AE%AE%E0%AF%8D/

4. https://www.thinaboomi.com/2018/01/21/84080.html

5. http://fbtamildata.blogspot.com/2017/10/blog-post_824.html